Cumpridos os trámites previstos no artigo 85.7 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, aplicable en defecto de lexislación autonómica propia e nas demais normas de procedente aplicación, acordouse, en virtude das atribucións delegadas pola orde da Consellería do Medio Rural e do Mar, do 30 de marzo de 2012, outorgar por resolución que poñen fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes:

– Resolución: 1 de xullo de 2014.

Referencia: 12-30-14-C-1.

Obxecto: explotación de instalacións náutico recreativas.

Porto: Camariñas.

Concesionario: Club Náutico de Camariñas.

Prazo: 10 anos desde o outorgamento inicial.

Taxas: 8.126,46 €/ano en concepto de TODP e o 2 % do volume de negocio xerado na instalación en concepto de ACIS.

– Resolución: 12 de novembro de 2014.

Referencia: 12-37-03-C-1.

Obxecto: modificación substancial para ampliación de uso da concesión para a construción dunha nave con destino a instalacións de manipulación, depuración e cetaria de pesca e marisco.

Porto: Portocubelo.

Concesionario: Gabriel Lestón Romero.

Prazo: ata o 15 de xullo de 2018.

Taxas: 555,10 €/ano en concepto de TODP e o 1 % do volume de negocio xerado na instalación en concepto de ACIS.

– Resolución: 27 de novembro de 2014.

Referencia: 12-03-14-C-2.

Obxecto: instalación dunha liña de media tensión soterrada na rúa Manuel Fraga Iribarne.

Porto: Cariño.

Concesionaria: Unión Fenosa Distribución, S.A.

Prazo: ata o 27 de novembro de 2024.

Taxas: 5,25 €/ano en concepto de TODP e o 2 % do volume de negocio xerado na instalación en concepto de ACIS.

– Resolución: 22 de decembro de 2014.

Referencia: 12-52-10-C-1.

Obxecto: modificación substancial para recheo para creación dunha mariña seca.

Porto: Cabo de Cruz.

Concesionario: Club Náutico de Boiro.

Prazo: ata o 13 de abril de 2041.

Taxas: 30.814,58 €/ano en concepto de TODP e o 2 % do volume de negocio xerado na instalación en concepto de ACIS.

– Resolución: 26 de decembro de 2014.

Referencia: 12-38-12-C-1.

Obxecto: explotar unha zona de varada e foso de travelift para reparación de embarcacións.

Porto: Muros.

Concesionaria: Astilleros y Varaderos Lago Abeijón, S.L.

Prazo: ata o 29 de decembro de 2029.

Taxas: 24.460,30 €/ano en concepto de TODP e o 1 % do volume de negocio xerado na instalación en concepto de ACIS.

Contra os citados actos administrativos que esgotan a vía administrativa cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ao da publicación da resolución facendo público o outorgamento.

Non obstante, os interesados poderán interpor contra esta resolución recurso de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 14 de xaneiro de 2015

José Juan Durán Hermida
Presidente de Portos de Galicia