De conformidade co disposto no artigo 59.4º da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, notifícaselle mediante a publicación no Diario Oficial de Galicia, a Transportes José Núñez Barros, S.A. con CIF A36020881 como propietaria do autobús con matrícula 8928-CRT, a reclamación dos custos ocasionados pola reparación da varanda de zona portuaria de Vilanova de Arousa, como consecuencia do accidente acaecido o día 13 de xaneiro de 2014 e documentado na acta levantada pola celadora gardapeiraos, por non ser posible a notificación a través do servizo de Correos no último domicilio coñecido situado na rúa Hospital, 35, 36630 Cambados (Pontevedra).

O importe dos custos derivados da reparación da varanda da zona portuaria de Vilanova de Arousa, executada de maneira subsidiaria por razóns de urxencia ascende á cantidade de douscentos trinta e cinto con noventa e cinco euros (235,95 €), IVE incluído.

A reclamación efectúase ao abeiro do artigo 66 do Regulamento de servizo e policía portuarios do 12 de xuño de 1976, e dos artigos 96, 97, e 98 da Lei 30/1992, do 26 de novembro, de réxime xurídico das administracións públicas e do procedemento administrativo común.

Na súa virtude requírese a Transportes José Núñez Barros, S.A. con CIF A36020881, para que proceda nos prazos previstos no artigo 62 da Lei 58/2003, do 17 de decembro, xeral tributaria, a aboar a cantidade de douscentos trinta e cinto con noventa e cinco euros (235,95 €), IVE incluído.

Para o pagamento da dita cantidade deberá empregarse o modelo de impreso que se facilitará nos servizos centrais de Portos de Galicia sitos na Área Central, praza de Europa, portal 5-A de Santiago de Compostela, número de teléfono 902 40 08 70.

De non se aboar esta cantidade no prazo sinalado, será exixida pola la vía de constrinximento.

O expediente completo está nas dependencias dos servizos centrais de Portos de Galicia onde poderá ser examinado en horario das 9.00 ás 14.00 horas.

A reclamación que efectúa a Dirección do ente público e que ten eficacia executiva, non esgota a vía administrativa polo que contra ela cabe interpoñer recurso de alzada ante o presidente de Portos de Galicia no prazo dun mes contado desde o día seguinte ao da publicación.

E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.

Santiago de Compostela, 12 de xaneiro de 2015

José Ignacio Villar García
Director de Portos de Galicia