Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 8 Mércores, 14 de xaneiro de 2015 Páx. 1929

VI. Anuncios

a) Administración autonómica

Consellería de Economía e Industria

RESOLUCIÓN do 18 de decembro de 2014, da Xefatura Territorial de Lugo, pola que se concede a autorización administrativa previa e de construción dunha instalación eléctrica no concello de Monforte de Lemos (expediente IN407A 2014/42-2, 8178 AT).

Visto o expediente para outorgamento de autorización administrativa previa e de construción da instalación eléctrica que a seguir se describe:

Solicitante: Unión Fenosa Distribución, S.A.

Domicilio social: A Batundeira, 2, Velle, Ourense.

Denominación: recuamento LMT en nova vía de acceso ao Porto Seco.

Situación: concello de Monforte de Lemos.

Características técnicas:

1. Recuamento no p.q. 2+200 da LMTA ao CT Reigada, a 20 kV con orixe nun paso aéreo a subterráneo sobre apoio de formigón proxectado nº D57-16 e final nun paso aéreo a subterráneo sobre apoio de formigón proxectado nº D57-17; entre os citados pasos aéreos a subterráneos realizarase unha liña de media tensión subterránea cunha lonxitude de 81 metros en condutor RHZ-95.

2. Recuamento no p.q. 3+600 da LMTA ao CT As Fontes a 20 kV con orixe nun apoio de formigón existente D42-6-2 e final no apoio de formigón existente nº D42-6-4; intercálase un apoio novo de formigón tipo HV13/1000 cunha lonxitude de 268 metros en condutor LA-56.

Cumpridos os trámites ordenados na Lei 24/2013, do 26 de decembro (BOE número 310) do sector eléctrico e no título VII, capítulo II, do Real decreto 1955/2000, do 1 de decembro (BOE número 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG número 54), esta xefatura territorial resolve:

Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución cabe interpor recurso de alzada, ante o conselleiro de Economía e Industria, no prazo dun mes a partir do día seguinte ao da notificación ou publicación desta resolución. Tamén poderá interpoñer calquera outro recurso que xulgue pertinente ao seu dereito.

Lugo, 18 de decembro de 2014

Pilar Fernández López
Xefa territorial de Lugo