María Jesús Hernando Arenas, secretaria do Xulgado do Social número 5 da Coruña, fai saber que ante este xulgado se tramitan autos co número PO 991/2013, por instancia de José Daniel Losada González contra Faventis, S.L., administración concursal e Fogasa sobre cantidade, en que o día 24 de novembro de 2014 se ditou sentenza cuxa parte dispositiva di textualmente:
Que estimando a demanda interposta polo demandante contra a mercantil Faventis, S.L., debo condenar e condeno a empresa a que aboe o traballador a cantidade de 75.169,65 euros polos conceptos reclamados en demanda. Desta cantidade deberá responder, na súa condición, o administrador concursal.
Así mesmo, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 do Estatuto dos traballadores.
Contra esta resolución cabe recurso de suplicación ante o Tribunal Superior de Xustiza de Galicia.
Así o pronuncio, mando e asino.
Para que conste e para a súa inserción no Diario Oficial de Galicia, co fin de que sirva de notificación á empresa demandada Faventis, S.L., co apercibimento de que as sucesivas notificacións se realizarán nas dependencias do xulgado, agás as que revistan forma de emprazamentos, sentenzas e autos, expido e asino este edicto.
A Coruña, 11 de decembro de 2014
María Jesús Hernando Arenas
Secretaria xudicial