Procedemento ordinario 808/2013

Sobre: ordinario

Demandante: José Pardiñas Lorenzo

Demandado: Gestión Inmobiliaria Gallega, S.L.

María Jesús Hernando Areas, secretaria xudicial do Xulgado do Social número 5 da Coruña, fago saber que no procedemento ordinario 808/2013 deste xulgado do social, seguido por instancia de José Pardiñas Lorenzo contra Gestión Inmobiliaria Gallega, S.L., sobre reclamación de cantidade, se ditou a seguinte sentenza:

Que debo estimar e estimo a demanda que en materia de cantidade foi interposta por José Pardiñas Lorenzo contra a entidade Gestión Inmobiliaria Gallega, S.L. e, en consecuencia, debo condenar e condeno a Gestión Inmobiliaria Gallega, S.L. a que lle aboe ao demandante a cantidade de 3,689,79 € brutos polos salarios devindicados en xuño e paga extra de verán de 2012, e a compensación económica polas vacacións non gozadas do ano 2012, incrementadas no xuro do 10 % por mora e aplicable aos conceptos salariais.

Coa intervención procesual do Fondo de Garantía Salarial.

Notifíqueselles a presente resolución ás partes facéndolles saber o seu dereito para interpor contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtaselle ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social na conta aberta na entidade Banesto a nome deste xulgado co número 47570000, código 36 e número de expediente, acreditándoo mediante a presentación do xustificante de ingreso no período comprendido ata a formalización do recurso, así como, no caso de ser condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso no momento de anuncialo. Así, por esta a miña sentenza, pronúncioo, mándoo e asínoo.

E para que lle sirva de notificación en legal forma á empresa Gestión Inmobiliaria Gallega, S.L., en ignorado paradoiro, expido o presente edicto para a súa inserción no Boletín Oficial da provincia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan de autos ou sentenzas, ou cando se trate de emprazamento.

A Coruña, 2 de decembro de 2014

O secretario xudicial