Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Concello de Baralla.
Domicilio social: avenida Evaristo Correa Calderón, 27680 Lugo.
Denominación: soterramento de liña de distribución eléctrica a residencia da terceira idade.
Situación: concello de Baralla.
Características técnicas:
• LMTA a 20 kV con orixe nun apoio da LMT que alimenta o CT Ferreiros (27 A 981) e final nun apoio no cal se instala un paso aéreo a subterráneo, cunha lonxitude de 40 m en condutor LA-56.
• LMTS a 20 kV con orixe nun paso aéreo a subterráneo e final nun CT que se instalará na residencia da terceira idade, cunha lonxitude de 465 metros en condutor RHZ-150.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e en relación coa aplicación desas normas, neste caso cómpre ter en conta a disposición transitoria segunda da Lei 24/2013, do 26 de decembro, do sector eléctrico.
Por razón do que antecede, e en virtude das competencias que ten atribuídas, esta xefatura territorial, resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución. Tamén se poderá interpor calquera outro recurso que se considere pertinente.
Lugo, 25 de febreiro de 2014
P.S.L. (Decreto 110/2013, do 4 de xullo)
Mª A. Belén Miragaya Sánchez
Xefa do Servizo de Enerxía e Minas