En cumprimento do disposto no artigo 4.8 da Lei orgánica 11/1985, do 2 de agosto, de liberdade sindical, e para os efectos previstos nel, faise público que no correspondente servizo desta dirección xeral se presentaron os novos estatutos da Federación de Administración Pública da Confederación Intersindical Galega (CIG-Admón. Pública) nos cales se recollen as modificacións aprobadas no VI Congreso, que tivo lugar en Allariz o 23 de novembro de 2013, así como a certificación acreditativa das ditas cuestións.
– Ámbito territorial: autonómico.
– Ambito profesional: todos/as os/as traballadores/as incluídos/as no artigo 1 dos estatutos, en activo ou desempregados/as, xubilados/as e pensionistas que acepten estes estatutos, os seus principios e obxectivos e, por extensión, os da CIG.
– Asinante: Mª Carmen López Santamariña (secretaria nacional da Federación).
Santiago de Compostela, 24 de novembro de 2014
Carmen Bouso Montero
Directora xeral de Traballo e Economía Social