Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 164/2012 deste xulgado do social, seguido por instancia de Deyanira González García contra Gukina Yulia (Cafetería Zumolandia) e o Fogasa, sobre ordinario, se ditou a seguinte resolución:

Resolución.

1º. Que, estimando a demanda formulada por Deyanira González García contra a empresa Gukina Yulia, condeno esta a aboarlle a cantidade de 6.607,60 €, que lle debe.

2º. O Fogasa deberá pasar por esta resolución nos termos do artigo 23.5 último parágrafo e 6 inciso primeiro da LXS e artigo 33 do Estatuto dos traballadores.

Notifíquese esta resolución. Contra esta resolución cabe recurso de suplicación nos supostos previstos no artigo 191 da LRXS, que deberá ser anunciado ante este xulgado no prazo de cinco (5) días seguintes á notificación desta resolución na forma prevista no artigo 194 e concordantes da LRXS, e co cumprimento das obrigas de depósito, consignación ou aseguramento previstas nos artigos 229 e seguintes da LRXS.

Así, por esta a miña sentenza, definitivamente xulgando, pronúncioo, mándoo e asínoo.

Publicación. Lida e publicada foi a anterior sentenza polo maxistrado que a ditou, achándose celebrando audiencia pública no día da data, do que dou fe.

E para que sirva de notificación en legal forma a Gukina Yulia (Cafetería Zumolandia), expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 1 de decembro de 2014

O secretario xudicial