Visto o expediente para outorgamento de autorización administrativa previa e de construción da instalación eléctrica que a seguir se describe:

Solicitante: Barras Eléctricas Galaico-Asturianas, S.A.

Domicilio social: polígono As Gándaras-parcela U2-rúa A, 27003 Lugo.

Denominación: instalación dun CT móbil para construción dos colectores xerais do río Miño.

Situación: concello de Lugo.

Características técnicas:

• Liña de media tensión soterrada consistente en intercalar o CT móbil proxectado entre o CS PFU-15 e o CT G.E. A Ponte en condutor RHZ1-240, coa finalidade de poder deixar sen servizo a LMTS que alimenta o CTC Agro da Ponte e poder realizar as obras de canalización dos colectores xerais do río Miño.

• Centro de transformación móbil de 630 kVA, 20-6 kV/400-230, 273-175, en envolvente metálica, o cal se situará na parcela 9013, polígono 101, do catastro de Lugo.

• Rede de baixa tensión consistente en dous circuítos que alimentarán de baixa tensión o CT do Agro da Ponte.

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54) esta xefatura territorial resolve:

Conceder a autorización administrativa previa e a autorización administrativa de construción das ditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial e outros necesarios para a realización das obras das instalacións autorizadas.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución cabe interpor recurso de alzada ante o conselleiro de Economía e Industria no prazo dun mes, a partir do día seguinte ao da notificación ou publicación desta resolución; tamén poderá interpoñer calquera outro recurso que xulgue pertinente ao seu dereito.

Lugo, 10 de novembro de 2014

Pilar Fernández López
Xefa territorial de Lugo