M. Asunción Barrio Calle, secretaria xudicial da Sección número 1 da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 530/2013 desta sección, seguido por instancia do Instituto Nacional da Seguridade Social contra a Mutua Gallega de Accidentes de Trabajo, a empresa José Francisco Pérez Pichardo, sobre outros dereitos de Seguridade Social, se ditou a seguinte resolución:

Decidimos:

Que estimando en parte o recurso de suplicación interposto pola letrada da Administración da Seguridade Social, en nome e representación do Instituto Nacional da Seguridade Social, contra a sentenza de data 22 de xuño de 2012, ditada polo Xulgado do Social número 1 desta capital nos presentes autos 1000/2011, tramitados por instancia da demandante Mutua Gallega de Accidentes de Trabajo, fronte aos demandados: a empresa José Francisco Pérez Pichardo, o Instituto Nacional da Seguridade Social e a Tesouraría Xeral da Seguridade Social, e con revogación dela e conseguinte desestimación da demanda, absolvemos os demandados das pretensións fronte a eles exercidas.

E para que lle sirva de notificación en legal forma á empresa José Francisco Pérez Pichardo, en ignorado paradoiro, expido o presente para a súa inserción no DOG.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 6 de novembro de 2014

A secretaria xudicial