A directora da Axencia de Protección da Legalidade Urbanística, o día 10 de outubro de 2014, ditou resolución pola que se desestima o recurso potestativo de reposición interposto por María del Carmen Varela Recimil contra a Resolución do 16 de maio de 2013 (expediente núm. IU2/124/2010), ditada pola directora da Axencia de Protección da Legalidade Urbanística sobre a imposición da primeira multa coercitiva, confirmando, en consecuencia, a resolución impugnada, e se alza a suspensión do acto administrativo obxecto de impugnación con base no artigo 111 da Lei 30/1992, do 26 de novembro, de réxime xurídico das administracións públicas e do procedemento administrativo común.
Ao non poderse realizar a notificación persoal daquela resolución a María del Carmen Varela Recimil, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselle á interesada a devandita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber á interesada que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Contra a devandita resolución, que é definitiva en vía administrativa, cabe interpoñer o recurso contencioso-administrativo ante o xulgado contencioso-administrativo da circunscrición onde radique o inmoble afectado, consonte o artigo 14.1.3ª da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, consonte o disposto no artigo 46.1 da citada lei.
Para que conste e lle sirva de notificación á citada interesada en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 5 de novembro de 2014
María Martínez Allegue
Directora da Axencia de Protección da Legalidade Urbanística