No uso das competencias atribuídas a esta xefatura territorial, en virtude do disposto nos artigos 59 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, ao seren devoltas polo servizo de Correos as notificacións enviadas no seu día coa resolución de acordo do inicio do procedemento de reintegro, requírense as persoas citadas no anexo para que, no prazo de 10 días contados desde o seguinte ao da publicación desta cédula, comparezan persoalmente, ou debidamente representadas, no Servizo de Traballo e Economía Social da Xefatura Territorial da Consellería de Traballo e Benestar da Coruña (rúa Salvador de Madariaga, 9-1º) das 9.00 ás 14.00 horas, de luns a venres, para ter coñecemento do contido daquelas, advertíndolles que de non facelo así, se considerarán notificadas cos efectos que correspondan.

Así mesmo, fáiselles saber o dereito que as asiste para facer as alegacións e achegar os documentos que xulguen máis convenientes aos seus intereses, nun prazo de 15 días hábiles que comezarán a contar a partir do día seguinte ao da publicación desta cédula no Diario Oficial de Galicia.

A Coruña, 23 de outubro de 2014

María Pilar Caridad Alonso
Xefa territorial da Coruña

ANEXO

Expediente: TR 340K 2009/7-1.

Nome: Diepi Hostelería, S.L.

Último enderezo coñecido: avda. Santiago, 42, Arca, 15821 O Pino.

Feito imputado: non someterse ás actuacións de comprobación e control da Consellería de Traballo e Benestar.

Precepto infrinxido: o artigo 20.1.c) da Orde do 30 de decembro de 2008 pola que se establecen as bases reguladoras do programa das iniciativas emprendedoras e de emprego, cofinanciado polo Fondo Social Europeo, e se procede á súa convocatoria para o ano 2009.

Contido da resolución: acordo do inicio do procedemento de reintegro da axuda.