Intentadas as notificacións persoais e devoltas polo servizo de Correos ao resultar imposible a súa práctica, de conformidade co establecido no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común (LRJ-PAC), pola presente resolución ponse en coñecemento dos titulares dos expedientes relacionados no anexo a esta resolución que o director xeral do Igape acordou iniciar o procedemento de incumprimento total das condicións impostas nas resolucións de concesión das axudas outorgadas, co obxecto de determinar o alcance do incumprimento, que podería dar lugar á revogación das axudas concedidas, e suspender os pagamentos naqueles expedientes que xa tivesen presentada a solicitude de cobramento, ata que se diten as resolucións que poñan fin aos procedementos de incumprimento.
Os actos obxecto do presente anuncio non se publican na súa integridade en virtude da cautela prevista no artigo 61 da LRX-PAC. Concédese aos titulares dos expedientes un prazo de quince días hábiles desde a publicación desta resolución no Diario Oficial de Galicia para presentar alegacións co fin de xustificar a non procedencia destes presuntos incumprimentos. Así mesmo, as resolucións de retención de pagamento esgotan a vía administrativa e contra elas os titulares dos expedientes en que se acordou esta suspensión poderán interpoñer recurso contencioso-administrativo ante os xulgados do contencioso-administrativo de Santiago de Compostela, no prazo de dous meses contados a partir do día seguinte ao da publicación desta resolución no Diario Oficial de Galicia. Non obstante, previamente poderán interpoñer recurso de reposición ante a Dirección Xeral do Igape, dentro do prazo dun mes contado a partir do día seguinte á publicación desta resolución. Os expedientes póñense de manifesto aos interesados neste centro directivo sito en Santiago de Compostela, Complexo Administrativo San Lázaro, s/n.
Santiago de Compostela, 30 de outubro de 2014
Javier Aguilera Navarro
Director xeral do Instituto Galego de Promoción Económica
ANEXO
Nº expediente |
Nome/razón social |
Programa de axudas |
Data |
Órgano que dita a resolución |
Notificación |
IG107.2012.1.68 |
Mobile Payments, S.L. |
Axudas do Igape aos proxectos de creación de pequenas e medianas empresas ou de realización de investimentos en pequenas e medianas empresas novas promovidas por novos emprendedores (Resolución do 11 de xuño de 2012, DOG núm. 115, do 18 de xuño) |
11.7.2014 |
Director xeral do Igape |
Acordo de inicio de expediente de incumprimento total |
IG148.2010.2.15 |
Asociación Galega Fomento Calidade Formación e Mellora Continua |
Axudas a proxectos de formación empresarial cofinanciadas polo Fondo Social Europeo no marco do programa operativo FSE Galicia 2007-2013 (Resolución do 15 de abril de 2010, DOG núm. 73, do 20 de abril, e Resolución do 19 de xaneiro de 2011, DOG núm. 14, do 21 de xaneiro) |
26.6.2014 |
Director xeral do Igape |
Acordo de inicio de expediente de incumprimento total e resolución de retención de pagamentos |
IG173.2013.1.45 |
Ampplio Gestión Empresarial, S.L. |
Axudas á internacionalización das empresas galegas: liñas prospección internacional, cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013 (Resolución do 20 de xuño de 2013, DOG núm. 24, do 2 de xullo) |
28.7.2014 |
Director xeral do Igape |
Acordo de inicio de expediente de incumprimento total |
I1/08.2091.0472.N.000596000005 |
Grande Iglesias, Pablo |
Axudas para o apoio financeiro aos investimentos das pequenas e medianas empresas de Galicia financiadas con fondos do Instituto de Crédito Oficial (ICO) ao amparo das liñas ICO 2008 (Resolución do 15 de abril de 2008, DOG núm. 76, do 21 de abril) |
11.7.2014 |
Director xeral do Igape |
Acordo de inicio de expediente de incumprimento total e resolución de retención de pagamentos |