O Pleno municipal, en sesión ordinaria que tivo lugar o 29 de setembro de 2014, acordou aprobar definitivamente o Plan especial de dotacións en solo rústico, cuxo obxectivo é a regularización e ampliación das instalacións da Asociación de pais de discapacitados psíquicos de Bergantiños (Aspaber), situadas no lugar da Brea (Carballo) e promovido pola propia asociación Aspaber.

Así mesmo, faise constar que o 22 de outubro de 2014 remitiuse á Secretaría Xeral de Ordenación do Territorio da Consellería de Medio Ambiente, Territorio e Infraestruturas unha copia autenticada de dous exemplares do documento debidamente dilixenciado polo secretario do Concello.

Carballo, 22 de outubro de 2014

Evencio Ferrero Rodríguez
Alcalde