Para os efectos previstos na Lei 16/2002, do 1 de xullo, de prevención e control integrados da contaminación (BOE nº 157, do 2 de xullo) e na Lei 21/2013, do 9 de decembro, de avaliación ambiental (BOE nº 296, do 11 de decembro), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a seguinte documentación:
– «Proxecto básico e estudo de impacto ambiental para a solicitude da autorización ambiental integrada das instalacións de Aludec-Saxonia, S.A. situadas en Ponte Caldelas (Pontevedra). Ref. informe: PV14019806/5002/36/002», co fin de que calquera interesado poida consultala e, se é o caso, formular no dito prazo as alegacións, suxestións ou observacións que considere convenientes.
O citado documento estará á disposición dos administrados, en horario de atención ao público, na Secretaría Xeral de Calidade e Avaliación Ambiental-Servizo de Prevención e Control Integrados da Contaminación (r/ San Lázaro, s/n, 15781 Santiago de Compostela). Ademais, poderá consultarse na páxina web da Consellería de Medio Ambiente, Territorio e Infraestruturas (http://www.cmati.xunta.es/ >>medio ambiente e sostibilidade >> prevención e control de actividades>>autorización ambiental integrada >>proxectos en información pública).
Santiago de Compostela, 31 de outubro de 2014
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Clave do expediente: 2014-IPPC-I-86.
Peticionaria: Aludec-Saxonia, S.A.
Domicilio social: rúa Monte Louredo, nº 15, parque empresarial do Campiño. Localización da instalación: polígono industrial da Reigosa, parcela 3.
Actividade: metalización de pezas plásticas de decoración para o automóbil.
Descrición: o proceso iníciase coa carga manual das pezas plásticas en bastidores deseñados para o efecto. A seguir, estas pasan por unha serie de tratamentos químicos e electrolíticos, totalmente automatizados, que teñen por obxecto dotalas dunha superficie condutora (fase química) e a posterior deposición de varias camadas uniformes de metais (cobre e níquel) de diferentes espesores (fase electrolítica).