A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán aos organismos responsables na Comunidade Autónoma a homologación dos ditos cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai celebrar.
En consecuencia, anúnciase a celebración dun curso de aplicador/manipulador de biocidas, nivel básico, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Estudios Cacumen, de acordo coas seguintes bases:
1. Denominación do curso:
Curso para a capacitación de aplicadores/manipuladores de produtos biocidas. Nivel básico.
2. Entidade organizadora:
Estudios Cacumen (José Ángel Castro Expósito).
3. Datas:
Do 1 ao 4 de decembro de 2014.
4. Lugar de celebración:
Lonza Biologics Porriño, S.L.
A Relva, s/n.
36410 O Porriño (Pontevedra).
5. Número de prazas:
Máximo de 20 alumnos.
6. Dirixido a:
Persoal auxiliar dos servizos de aplicación de biocidas, non clasificados como moi tóxicos, e persoal de establecementos.
7. Criterios de selección:
Por rigorosa orde de recepción de inscricións.
8. Presentación de solicitudes:
Solicitude segundo o modelo do anexo.
9. Programa:
Día 1.12.2014 |
|
9.00-11.30 horas |
Biocidas. Descrición e clasificación dos distintos tipos de biocidas. |
11.30-14.15 horas |
Principais pragas. Pragas ambientais. Loita contra as pragas ambientais. Métodos de loita antivectorial. |
Día 2.12.2014 |
|
9.00-11.30 horas |
Técnicas de aplicación de biocidas. |
11.30-14.15 horas |
Prácticas: as principais pragas e métodos de loita. Métodos de prevención contra pragas. |
Día 3.12.2014 |
|
9.00-12.00 horas |
Riscos derivados da manipulación de biocidas. Biocidas e ambiente. Problemas de destrución de envases. |
12.00-14.15 horas |
Hixiene e seguranza na manipulación de biocidas. Intoxicación, prevención, diagnóstico e primeiros auxilios. |
Día 4.12.2014 |
|
9.00-11.00 horas |
Prácticas: uso adecuado dos medios de protección persoal. Destrución de envases, actuación e primeiros auxilios ante intoxicacións por biocidas. |
11.00-13.15 horas |
Aplicación de distintos métodos de loita contra as pragas ambientais. Técnicas de aplicación de biocidas. |
13.15-14.15 horas |
Exame tipo test. |
10. Certificado de superación do curso:
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel básico.
Santiago de Compostela, 4 de novembro de 2014
Sonia Martínez Arca
Directora xeral de Innovación e Xestión da Saúde Pública
ANEXO
Ficha de solicitude de inscrición.
Curso para a capacitación de aplicadores/manipuladores de produtos biocidas.
Nivel básico
Entidade organizadora: Estudios Cacumen (José Ángel Castro Expósito).
Datas:
Do 1 ao 4 de decembro de 2014.
Lugar de celebración do curso:
Lonza Biologics Porriño, S.L.
A Relva, s/n.
36410 O Porriño (Pontevedra).
Duración: 20 horas teórico/prácticas e 1 hora de avaliación.
Horario: das 9.00 ás 14.15 horas.
Nº de prazas: máximo de 20 alumnos.
Presentación de solicitudes:
Estudios Cacumen, rúa Tui, nº 24, baixo, 27004 Lugo. Teléfono: 982 24 39 44, fax: 982 28 41 61, e-mail: cacumen@cacumenlugo.com
Data límite de presentación de solicitudes: 17 de novembro de 2014.
Criterio de selección: por rigorosa orde de recepción da solicitude.
Apelidos..................................................................................................................................
Nome......................................................................................................................................
NIF..........................................................................................................................................
Enderezo..................................................................................................................................
Localidade..............................................................................................................................
Teléfono...........................................................Fax.................................................................
Empresa...................................................................................................................................