Visto o expediente para outorgamento de autorización administrativa previa e de construción da instalación eléctrica que a seguir se cita:
Expediente: IN407A 2014/052-1.
Solicitante: Unión Distribuidores Electricidad, S.A.
Domicilio social: rúa José Ángel Valente, 17 baixo, local 62, 15706 Santiago de Compostela.
Denominación: LMTS, CT e RBT Teixoeiras.
Situación: Concello de Mesía.
Características técnicas:
Demontaxe do transformador aéreo existente de tipo intemperie sobre pórtico chamado Teixoeira (expediente 50.399). No seu lugar proxéctase un centro de transformación tipo interior en edificio prefabricado de formigón 2L+1P, con tranformador de 100 kVA, que irá situado nun predio particular con acceso desde vía pública.
Dous tramos de liña de media tensión subterránea con condutor tipo RHZ1-2-OL-12/20 kV 3×(1×240 Al) que terá a súa orixe no dobre paso aéreo a subterráneo que se vai realizar no novo apoio nº 30-N tipo HVH-15/2500 que se intercalará na liña aérea, en substitución do apoio nº 39 tipo HV-15/1000 (expediente 2.005/367) que se vai retirar, e final no CT proxectado, sendo a lonxitude total de cada un dos tramos de liña proxectada de 24 metros.
Cumpridos os trámites ordenados na Lei 24/2013, do 26 de decembro (BOE nº 310), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e de acordo coa Resolución do 19 de febreiro de 2014 da Dirección Xeral de Enerxía e Minas pola que se aproba o procedemento de autorización administrativa de construción (DOG núm. 54) esta xefatura territorial resolve:
Conceder a autorización administrativa previa e a autorización administrativa de construción da dita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.
Esta instalación está previsto que se execute nun prazo dun ano, contado a partir da data da última autorización administrativa necesaria.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao medio.
Contra esta resolución, que non é definitiva en vía administrativa, cabe interpor recurso de alzada ante o conselleiro de Economía e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 107, 110, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), sen prexuízo de que os interesados poidan interpor calquera outro recurso que se considere pertinente.
A Coruña, 20 de outubro de 2014
Isidoro Martínez Arca
Xefe territorial da Coruña