De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase á persoa que se relaciona no anexo a proposta de resolución do procedemento sancionador S-P-07.14 por infracción da Lei 8/1995, do 30 de outubro, do patrimonio cultural de Galicia.

A interesada disporá dun prazo de quince días hábiles, contados desde o día seguinte ao da publicación deste anuncio, para examinar o expediente nas dependencias do Servizo de Coordinación da Área Cultural da Xefatura Territorial da Consellería de Cultura, Educación e Ordenación Universitaria en Pontevedra, e para presentar cantas alegacións, documentos ou informacións estime convenientes e, de ser o caso, propoñer proba, concretando os medios de que pretenda valerse.

Santiago de Compostela, 20 de outubro de 2014

Mercedes Domínguez Francisco
Xefa do Servizo de Vixilancia e Inspección

ANEXO

Nº de expediente: S-P-07.14.

Interesada: Teresa Fidalgo López.

Último enderezo coñecido: Laxe do Prado, 49, lugar de Vilanova, parroquia do Hío, concello de Cangas (Pontevedra).

Feitos imputados: obras de ampliación dunha vivenda unifamiliar na planta baixa e construción dun soportal en Laxe do Prado, 49, no lugar de Vilanova, parroquia do Hío, no concello de Cangas, dentro do contorno de protección do xacemento arqueolóxico do castro de Laxe do Prado, composto de dúas sepulturas rupestres de datación medieval, sen a realización das sondaxes arqueolóxicas previas a que viña obrigada pola Resolución de autorización da Dirección Xeral do Patrimonio Cultural do 14 de xullo de 2010 e, por tanto, incumprindo os termos da autorización da Consellería de Cultura exixida polo artigo 54 da Lei do patrimonio cultural de Galicia, por afectar tales obras a un ben incluído no Inventario xeral do patrimonio cultural de Galicia.

Tipificación: artigo 90.g) da Lei 8/1995, do 30 de outubro, do patrimonio cultural de Galicia.

Precepto sancionador: artigo 95 da Lei 8/1995, do 30 de outubro, do patrimonio cultural de Galicia.