Intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, modificada pola Lei 4/1999, por esta cédula notifícaselle á entidade relacionada no anexo o acordo de iniciación do expediente de reintegro da subvención concedida mediante Resolución do director xeral de Promoción do Emprego do 9 de agosto de 2010.

Faise saber que o interesado disporá dun prazo de quince (15) días para que alegue ou presente os documentos que xulgue pertinentes, de acordo co disposto no artigo 77 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.

Recórdaselle tamén o seu dereito a consultar o expediente, depositado nas dependencias desta dirección xeral, sita no Edificio Administrativo San Lázaro, s/n, en Santiago de Compostela, e a obter, de ser o caso, copia da resolución, segundo o previsto na letra a) do artigo 35 da mencionada Lei 30/1992.

Santiago de Compostela, 17 de outubro de 2014

Ana María Díaz López
Directora xeral de Emprego e Formación

ANEXO

Entidade: Fundación Preescolar na Casa.

Enderezo: Garaballa de Arriba, 9. 27003 Lugo.

Nº de expediente: TR352A 2010/705-0.

Data do acordo de iniciación do expediente de reintegro: 4 de setembro de 2014.

Preceptos incumpridos: artigo 9.4 da Orde do 10 de marzo de 2010 pola que se establecen as bases que regulan, para o exercicio do ano 2010, as axudas e subvencións para o fomento do emprego a través dos programas de cooperación, no ámbito de colaboración cos órganos e organismos das administracións públicas distintas da local, universidades e entidades sen ánimo de lucro e se procede á súa convocatoria para o ano 2010 (DOG núm. 54, do 22.3.2010); artigo 33 da Lei 9/2007, artigo 33.1.g) da Lei 9/2007, do 13 de xuño, de subvencións de Galicia.

Cantidade que hai que reintegrar: 422,72 €.