DOG 209 do 31/10/2014 - RESOLUCIÓN do 17 de outubro de 2014, da Dirección Xeral de Innovación e Xestión da Saúde Pública, pola que se fai pública a realización dun curso homologado de nivel básico para a obtención do carné de aplicador/manipulador de biocidas.

Cargo/actividade desempeñada:

Sector actividade:

Localidade:

Provincia:

III. Outras disposicións

Consellería de Sanidade

RESOLUCIÓN do 17 de outubro de 2014, da Dirección Xeral de Innovación e Xestión da Saúde Pública, pola que se fai pública a realización dun curso homologado de nivel básico para a obtención do carné de aplicador/manipulador de biocidas.

A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán aos organismos responsables na Comunidade Autónoma a homologación dos ditos cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai celebrar.

En consecuencia, anúnciase a realización dun curso de aplicador/manipulador de biocidas, nivel básico, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Sanea Control, S.L., de acordo coas seguintes bases:

1. Denominación do curso.

Curso para a capacitación de aplicadores/manipuladores de produtos biocidas. Nivel básico.

2. Entidade organizadora.

Sanea Control, S.L.

3. Datas.

Os días 14, 21 e 28 de novembro de 2014.

4. Lugar de realización.

Academia Ábaco.

Rúa Manuel Murguía, nº 12.

32005 Ourense.

5. Número de prazas.

Máximo 25 alumnos.

6. Dirixido a.

Todo o persoal auxiliar das empresas que apliquen e/ou manipulen produtos biocidas.

7. Criterios de selección.

Por rigorosa orde de recepción de inscricións.

8. Presentación de solicitudes.

Solicitude segundo o modelo do anexo.

9. Programa.

Día 14.11.2014
10.00-11.00 horas	Introdución. Lexislación.
11.00-13.00 horas	Praguicidas. Descrición e xeneralidades.
13.00-14.00 horas	Xeneralidades sobre pragas ambientais e da industria alimentaria.
16.00-17.30 horas	Xeneralidades sobre pragas ambientais e da industria alimentaria.
17.30-19.00 horas	Métodos de loita antivectorial.
Día 21.11.2014
10.00-11.00 horas	Riscos para o home derivados da utilización de praguicidas.
11.00-12.30 horas	Praguicidas e ambiente: problemas que presentan. Destrución de envases.
12.30-14.00 horas	Hixiene e seguranza no seu manexo e aplicación.
16.00-17.00 horas	Interpretación de pictogramas e etiquetas de praguicidas.
17.00-19.00 horas	Prevención, diagnóstico e primeiros auxilios no caso de intoxicación por praguicidas.
Día 28.11.2014
10.00-11.30 horas	Métodos de loita antivectorial.
11.30-12.30 horas	Técnicas de aplicación de praguicidas.
12.30-14.00 horas	Preparación de disolucións de produtos.
16.00-17.00 horas	Boas prácticas de almacenamento de praguicidas.
17.00-18.00 horas	Resolución de exercicios prácticos.
18.00-19.00 horas	Avaliación tipo test.

10. Certificado de superación do curso.

É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente, co cal poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel básico.

Santiago de Compostela, 17 de outubro de 2014

Sonia Martínez Arca
Directora xeral de Innovación e Xestión da Saúde Pública

ANEXO

Ficha de solicitude de inscrición.

Curso para a capacitación de aplicadores/manipuladores de produtos biocidas. Nivel básico

Entidade organizadora: Sanea Control, S.L.

Datas: os días 14, 21 e 28 de novembro de 2014.

Lugar de realización do curso:

Academia Ábaco.

Rúa Manuel Murguía, nº 12.

32005 Ourense.

Duración: 20 horas teórico/prácticas e 1 hora de avaliación.

Horario: das 10.00 ás 14.00 horas e das 16.00 ás 19.00 horas.

Nº de prazas: máximo 25 alumnos.

Presentación de solicitudes: enviarase, como data límite, o 7 de novembro de 2014 a ficha de inscrición xunto cunha copia do DNI, fotografía tamaño carné e xustificante de pagamento a Sanea Control, S.L, avenida da Mahía, 106, baixo, 15220 Bertamiráns, Ames (A Coruña). Teléfono: 981 88 69 24/639 60 63 81. Fax: 881 24 29 45, e-mail saneacontrol@sanea.org

Criterio de selección: por rigorosa orde de recepción da solicitude.