O Concello Pleno, na sesión ordinaria que tivo lugar o día 26 de setembro de 2014, aprobou inicialmente a modificación puntual das aliñacións da rúa Lagoas do Plan xeral de ordenación municipal do concello de Mugardos, redactado polo arquitecto Alejandro García Virosta, con data de abril de 2014.

O que se fai público en cumprimento do disposto no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, para os efectos de que durante o prazo de dous (2) meses, contado a partir da publicación deste anuncio no Diario Oficial de Galicia, poidan formular as reclamacións e alegacións que consideren pertinentes.

Suspensión de licenzas.

Así mesmo, o Concello Pleno, na sesión ordinaria que tivo lugar o día 26 de setembro de 2014, acordou a suspensión de licenzas de parcelación de terreos, edificación e demolición para a área determinada na dita modificación. O que se fai público en cumprimento do artigo 77 da Lei 9/2002, do 30 de decembro, de ordenación urbanística e protección do medio rural de Galicia.

Mugardos, 1 de outubro de 2014

Xosé Fernández Barcia
Alcalde