Aprobado inicialmente pola Xunta de Goberno local deste concello, en sesión extraordinaria que tivo lugar o 25 de setembro de 2014, o estudo de detalle para ordenar volumes edificables en dúas parcelas contiguas do cuarteirón M24, desta vila de Laxe e municipio, dentro do Plan xeral de ordenación municipal (PXOM) de Laxe, redactado polo arquitecto Maximino Manuel Aguiar Baña e promovido por Miguel Toja Lema, exponse este para efectos de información pública polo prazo de vinte días mediante a súa inserción no Diario Oficial de Galicia e no xornal La Voz de Galicia –edición de Bergantiños-Soneira-Fisterra–, en concordancia co disposto no artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, contando o dito prazo a partir do día seguinte ao da publicación no Diario Oficial de Galicia.
Laxe, 1 de outubro de 2014
Antonio Carracedo Sacedón
Alcalde