Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 1171/2012 deste xulgado do social, seguido por instancia de José Manuel Vilariño Ríos contra Metálicas Soutelo, S.L., Fogasa, sobre ordinario, foi ditada a seguinte resolución:

«Decido:

1º. Que, estimando a demanda formulada por José Manuel Vilariño Ríos contra a empresa Metálicas Soutelo, S.L. condeno esta a lle aboar as seguintes cantidades:

– 5.211 euros en concepto de salarios e 1.032,21 euros de xuros de demora.

– 483,19 euros en concepto de indemnización e 38,28 euros de xuros de demora.

2º. O Fogasa deberá pasar pola presente resolución nos termos do artigo 23.5, derradeiro parágrafo, e 6, inciso primeiro, LXS e artigo 33 ET.

Notifíquese esta resolución. Contra a presente resolución cabe recurso de suplicación nos supostos previstos no artigo 191 LRXS, que deberá ser anunciado ante este xulgado no prazo dos cinco días seguintes á notificación da presente resolución na forma prevista no artigo 194 e concordantes da LRXS, e co cumprimento das obrigas de depósito, consignación ou aseguramento previstas nos artigos 229 e seguintes LRXS.

Así o pronuncio, mando e asino por esta miña sentenza, xulgando definitivamente.

Publicación. A anterior sentenza foi lida e publicada polo maxistrado que a ditou, cando se encontraba celebrando audiencia pública no día da data, do que dou fe».

E para que sirva de notificación en legal forma a Metálicas Soutelo, S.L., expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 30 de setembro de 2014

O secretario xudicial