No procedemento de referencia ditouse sentenza con data do 28 de abril de 2014 cuxo extracto é do teor literal seguinte:

«Sentenza.

Betanzos, 28 de abril de 2014

Vistos por Sofía Leonor Castro Verdes, xuíza titular de apoio do Xulgado de Primeira Instancia e Instrución número 3 desta cidade, os autos de xuízo ordinario tramitados neste xulgado con número 520/2012, promovidos por Alejandro Varela Iglesias, maior de idade, representado polo procurador dos tribunais, Sr. Pedreira del Río, asistido polo letrado Sr. Lois Bastida, contra Adiela Suárez Arenas, sobre acción de declaración de herdeiros ab intestato e nulidade de acta de notoriedade de herdeiros.

Decido estimar a demanda formulada polo procurador Sr. Pedreira del Río, en nome e representación de Alejandro Varela Iglesias contra Adiela Suárez Arenas, e declaro a nulidade da acta de notoriedade de declaración de herdeiros autorizada polo notario Isidoro Calvo Vidal o 12 de xaneiro de 2007, baixo o número protocolar 72.

Declaro os irmáns Alejandro, Rosario, Carmen, Gonzalo e Juan Varela Iglesias como únicos herdeiros lexítimos ab intestato de Daniel Sebastián Varela Iglesias.

Impóñense as custas á demandada».

E, como consecuencia do ignorado paradoiro de Adiela Suárez Arenas, expídese o presente edicto para que sirva de cédula de notificación.

Betanzos, 9 de xuño de 2014

O/a secretario/a xudicial