En sesión que tivo lugar o día 7 de outubro de 2014, o tribunal nomeado pola Orde do 4 de febreiro de 2014 (Diario Oficial de Galicia nº 33, do 18 de febreiro), modificada polas ordes do 25 de febreiro de 2014 (Diario Oficial de Galicia nº 42, do 3 de marzo) e do 6 de marzo de 2014 (Diario Oficial de Galicia nº 55, do 20 de marzo), para xulgar o proceso selectivo para o ingreso no corpo facultativo superior da Xunta de Galicia, subgrupo A1, escala de inspección urbanística, acordou, de conformidade co disposto na base II.1.1.3 da convocatoria, que o terceiro exercicio da oposición terá lugar o día 23 de outubro de 2014 e que o lugar de realización será na Escola Galega de Administración Pública de Santiago de Compostela nas aulas 7 e 8, en chamamento único que se iniciará ás 15.30 horas.
Os aspirantes deberán ir provistos de DNI ou de documento fidedigno acreditativo da súa identidade, a xuízo do tribunal, e bolígrafo de tinta azul.
Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro instrumento de que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.
Santiago de Compostela, 7 de outubro de 2014
Patricia Tabarés Obenza
Presidenta do tribunal