Nas dependencias municipais do Concello de Arteixo asinouse con data do 24 de setembro de 2014 con José Ferrín Muñiz, representado por Luisa Suárez López, o texto inicial do convenio urbanístico de execución de planeamento para a obtención de terreos para a realización da obra incluída no POS-2011, denominada Beirarrúas enlace avda. Arsenio Iglesias-avda. Caión.

De acordo ao establecido polo artigo 237.1 da Lei 9/2002, do 30 de decembro, de ordenación urbanística e protección do medio rural de Galicia, sométese o texto do convenio ao trámite de información pública por un período de vinte días mediante publicación no Diario Oficial de Galicia e nun dos xornais de maior difusión na provincia.

Durante o dito período, o texto do convenio subscrito estará á disposición do público en xeral de luns a venres, das 9.00 ás 14.00 horas, no Departamento de Urbanismo, e os sábados no Departamento de Información e Rexistro, das 9.30 ás 13.30 horas.

Arteixo, 24 de setembro de 2014

Por delegación (Decreto 989/2011, do 21 de xuño de 2011)
Luís Alberto Castro Calvete
Concelleiro de Urbanismo