De conformidade cos artigos 58, 59 e 60 da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), modificada pola Lei 4/1999, do 13 de xaneiro, despois de que se intentase en dúas ocasións a notificación persoal no último domicilio coñecido, notifícaselles ás persoas interesadas o requirimento de pagamento que se detalla no anexo.
Pontevedra, 12 de setembro de 2014
Andrés Iglesias López
Xefe da Área Provincial de Pontevedra
ANEXO
Expediente por falta de pagamento: P-005/08.
Expediente de construción: PO-2001NR/01, conta 23.
Nome: Daniel Collantes Vieiro.
Enderezo: Poboado Mineiro de Fontao, vivenda 23, bloque 8, Alt. C-D, Vila de Cruces, Pontevedra.
Asunto: requirimento de pagamento.
Indicación do contido: consonte co artigo 30 do texto refundido de VPO, Real decreto 2960/1976, do 12 de novembro, e no punto primeiro do artigo 138 do Regulamento de VPO, Decreto 2114/1968, do 24 e xullo; requirímolo para o pagamento dos 108 recibos vencidos e non satisfeitos correspondentes ao alugamento da súa vivenda por un importe total de 11.237,74 €, segundo consta na base de datos de facturación do IGVS o 24.4.2014, correspondentes aos períodos comprendidos entre o 1.6.2005 e o 1.4.2014, e fáiselle constar que se irán incorporando ao total da débeda os posteriores vencementos que resulten con falta de pagamento.
De acordo coas obrigas dimanantes do contrato que vostede subscribiu, co artigo 142 do Regulamento de VPO e co artigo 84 da LRX-PAC, concédeselle un prazo de 10 días hábiles para que se poña ao día nas súas obrigas, procedendo ao pagamento do referido importe en calquera das oficinas de Abanca (antes Novagalicia banco), ou se presente en trámite de audiencia nesta área provincial e achegue a documentación que coide conveniente.
Advertímoslle que en caso de non atender este requirimento procederase á resolución do seu contrato.