A Orde da Consellería do Medio Rural e do Mar do 4 de xuño de 2014 (DOG núm. 114, do 17 de xuño) aprobaba as bases e procedía á convocatoria de bolsas de formación en réxime de empresa tutelada para os/as titulados/as en ciclos formativos de acuicultura.

Concluído o prazo de presentación de solicitudes e realizados os trámites previstos na referida orde, a comisión de avaliación, constituída ao abeiro do artigo 6.1 da convocatoria, avaliou os méritos dos solicitantes admitidos de acordo cos criterios fixados na convocatoria e fixo chegar á directora xeral de Desenvolvemento Pesqueiro a súa proposta de adxudicación das bolsas ás persoas solicitantes que acadaron unha maior puntuación, así como unha listaxe de suplentes coas restantes persoas candidatas admitidas, de acordo co establecido nas bases da convocatoria.

O secretario xeral do Mar é competente para resolver o expediente, segundo o disposto na Orde do 30 de marzo de 2012, de delegación de competencias, no secretario xeral técnico, secretarios xerais e xefes territoriais da Consellería do Medio Rural e do Mar en relación co procedemento de concesión de bolsas establecido no artigo 7 da convocatoria.

De acordo con todo o indicado, con base na proposta elevada pola directora xeral de Desenvolvemento Pesqueiro,

RESOLVO:

Primeiro. Aprobar a proposta presentada pola directora xeral de Desenvolvemento Pesqueiro en todo o seu contido e conceder as bolsas de formación en réxime de empresa tutelada para os/as titulados/as en ciclos formativos de acuicultura ás persoas candidatas que se relacionan no anexo desta resolución.

Segundo. Establecer a listaxe de suplentes segundo, por orde decrecente de puntuación, se indica no anexo desta resolución, que poderá ser operativa no caso de que o bolseiro/a seleccionado/a non se incorpore na data establecida, cando manifeste expresamente a súa non aceptación á bolsa ou renuncie a esta unha vez aceptada, así como cando se proceda á súa revogación.

Terceiro. Contra esta resolución, que pon fin á vía administrativa, os/as interesados/as poderán interpoñer recurso potestativo de reposición ante a Consellería do Medio Rural e do Mar no prazo dun mes a partir do día seguinte ao da publicación desta resolución no Diario Oficial de Galicia, segundo o disposto na Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia, conforme se establece na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de setembro de 2014

P.D. (Orde 30.3.2012; DOG núm. 70, do 12 de abril)
Juan Carlos Maneiro Cadillo
Secretario xeral do Mar

Anexo
Listaxes de persoas adxudicatarias e suplentes

Adxudicatarios/as