Eu, Encarnación Mercedes Tubío Lariño, secretaria xudicial do Xulgado do Social número 4 da Coruña, dou fe e certifico que neste xulgado se seguen os autos 300/2012 por instancia de Juan Selso Castro Vargas contra a empresa Construcciones del Noroeste, S.L. e o Fondo de Garantía Salarial, sobre cantidade, nos cales recaeu sentenza con data do 1 de setembro de 2014 que, copiada nos particulares necesarios, di así:
«Resolvo:
Estímase a demanda formulada por Juan Selso Castro Vargas contra Construcciones del Noroeste, S.L., con intervención do Fondo de Garantía Salarial, e en consecuencia:
– Condénase a empresa Construcciones del Noroeste, S.L. a lle aboar ao demandante a cantidade de cinco mil cento trinta e seis euros con corenta e nove céntimos de euro (5.136,49 euros). Os conceptos salariais devindicarán o xuro moratorio do 10 %.
Notifíqueselles a resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar neste xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social colexiado ou representante, dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».
E para que conste, para efectos da súa publicación no Diario Oficial de Galicia co fin de que lle sirva de notificación en forma á empresa Construcciones del Noroeste, S.L., expido e asino este edicto.
A Coruña, 10 de setembro de 2014
A secretaria xudicial