O Pleno do Concello de Malpica de Bergantiños, en sesión ordinaria celebrada o 31 de xullo de 2014, acordou aprobar a proposta de escudo e bandeira propostos pola Comisión Heráldica para o Concello de Malpica de Bergantiños.

En cumprimento do disposto no artigo 16.a) do Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, sométese o expediente a información pública por un prazo dun mes contado desde o día seguinte á inserción deste anuncio no Diario Oficial de Galicia, para que poida ser examinado e se presenten as alegacións que se consideren oportunas.

Se, transcorrido o citado prazo, non se presenten alegacións, considerarase aprobado definitivamente o citado acordo.

O presente anuncio, de conformidade coa normativa indicada, será tamén exposto no taboleiro de anuncios do concello.

Malpica de Bergantiños, 1 de agosto de 2014

Eduardo José Parga Veiga
Alcalde