O Pleno da corporación, na sesión que tivo lugar o día 17 de xullo de 2014, adoptou o seguinte acordo:
Primeiro. Aprobar definitivamente o estudo de detalle promovido de oficio polo concello denominado aprobación do estudo de detalle para revisión da ordenación de volumes en RE-3, co obxecto de reordenar os volumes previstos neste ámbito, ao abeiro do disposto no PXOM, que prevé a realización dos estudos de detalle co fin de modificar os parámetros establecidos.
Segundo. Notificárllelo persoalmente aos interesados; publicar o presente acordo no Diario Oficial de Galicia e, xunto coa normativa urbanística aprobada, no Boletín Oficial da provincia.
Terceiro. Dar traslado á Consellería de Medio Ambiente, Territorio e Infraestruturas da documentación a que se fai referencia no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, dando traslado de dous exemplares do instrumento definitivamente aprobado.
O acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas con data do 18 de xullo de 2014, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG).
O anuncio da aprobación definitiva, xunto coa normativa, publicouse no BOP de Lugo número 169, o día 24 de xullo de 2014.
Contra o acordo de aprobación definitiva do citado estudo de detalle, que pon fin á vía administrativa, poderase interpor, directamente, recurso contencioso-administrativo ante a sala correspondente do Contencioso-Administrativo do Tribunal Superior de Xustiza de Galicia, segundo dispoñen os artigos 10 e 46 da Lei 29/1998, do 13 de xullo, reguladora desta xurisdición, no prazo de dous meses, contados a partir do día seguinte ao da publicación, sen prexuízo de calquera outro recurso que considere conveniente ou exercer as accións que proceden ante a xurisdición competente.
Paradela, 28 de xullo de 2014
Eliseo López Rodríguez
Alcalde en funcións