Mediante acordo da Xunta de Goberno Local, en sesión ordinaria, celebrada o día 17 de xullo de 2014, iniciouse o expediente de contratación seguinte:

1. Entidade adxudicadora.

a) Organismo: Concello de Salvaterra de Miño.

b) Dependencia que tramita o expediente: Secretaría.

2. Obxecto do contrato.

a) Tipo de contrato: servizo.

b) Descrición do obxecto: contratación do servizo de axuda no fogar.

c) Duración do contrato: catro anos, prorrogable a seis anos.

3. Tramitación: urxente.

4. Procedemento: aberto, con varios criterios de adxudicación.

5. Base ou tipo de licitación.

O orzamento para a prestación do servizo que servirá de base de licitación será o seguinte que inclúe o IVE e demais tributos que graven a execución do contrato, e ten carácter limitativo, non podendo superarse en ningún caso:

– Importe por hora de axuda a domicilio a través da Lei de dependencia: 12,04 euros (incluído o 4 % de IVE).

– Importe por hora de axuda a domicilio en réxime de concorrencia: 12,51 euros (incluído o 8 % de IVE).

A oferta fará referencia ao IVE e, de non constar, entenderase incluído no prezo proposto polo licitador.

O importe do contrato determinarase en función do número de horas efectivas de prestación do servizo que se efectúe pola empresa adxudicataria. O orzamento total do contrato, que abranguerá todos os elementos que constitúen o seu obxecto, ascenderá, como máximo, ás seguintes cantidades anuais:

• Importe máximo anual de axuda a domicilio a través da Lei de dependencia: 195.000,00 euros (IVE incluído).

• Nº de horas máximo de axuda a domicilio a través da Lei de dependencia: 1.578 horas.

• Importe máximo anual de axuda a domicilio en réxime de concorrencia: 20.000,00 euros (IVE incluido).

• Nº de horas máximo de axuda a domicilio en réxime de concorrencia: 305 horas.

6. Garantía provisional.

Non se exixe.

7. Obtención de documentación e información.

Concello de Salvaterra de Miño, praza da Constitución, nº 1 (36450).

Páxina web: http://concellodesalvaterra.org. Poderán obter documentación e información ata o día de finalización do prazo de presentación de ofertas.

Teléfonos: 986 65 81 26/986 65 80 82. Fax: 986 65 83 60.

8. Presentación de ofertas.

As proposicións para tomar parte na licitación presentaranse de luns a venres, das 9.00 ás 13.00 horas, no Rexistro de Licitacións (Secretaría Xeral) do Concello de Salvaterra de Miño, no prazo de 13 días naturais contados a partir do día seguinte ó da publicación do anuncio no último dos boletíns en que apareza (Diario Oficial de Galicia ou Boletín Oficial da provincia). Se o último día do prazo fose sábado ou día inhábil, o prazo rematará o inmediato día hábil seguinte.

Os pregos de cláusulas admnistrativas e técnicas serán publicados no perfil do contratante do Concello de Salvaterra de Miño. Poderá publicarse, asi mesmo, aquela outra información ou documentación que sexa necesaria ou conveniente.

9. Criterios de adxudicación.

Son os establecidos na cláusula 12ª do prego de cláusulas administrativas particulares.

10. Documentación que hai que presentar.

Véxanse as bases que rexen o contrato.

11. Apertura de proposicións.

O día de apertura de proposicións fixarase no perfil do contratante ou taboleiro de anuncios do concello cunha antelación de, cando menos, 2 días ao da súa realización.

12. Gastos de publicidade: a cargo do contratista adxudicatario.

Salvaterra de Miño, 23 de xullo de 2014

Arturo Grandal Vaqueiro
Alcalde