Por Decreto da Alcaldía do 4 de agosto de 2014 aprobouse inicialmente o convenio urbanístico de monetarización do aproveitamento que corresponde ao Concello de Vilaboa polo desenvolvemento urbanístico do sector UDI-4 das normas subsidiarias de planeamento do Concello de Vilaboa.

De conformidade co artigo 237 da Lei 9/2002, do 30 de decembro, de ordenación urbanística e protección do medio rural de Galicia, sométese o citado convenio a información pública polo prazo de vinte días hábiles, contados a partir do seguinte ao da publicación do último dos edictos no Diario Oficial de Galicia e no xornal Faro de Vigo. Durante ese prazo os interesados poderán consultar o expediente nas oficinas municipais e presentar as alegacións que xulguen oportunas.

Vilaboa, 5 de agosto de 2014

José Luis Poceiro Martínez
Alcalde