Mediante Resolución do 15 de xullo de 2014, o director xeral da Academia Galega de Seguridade Pública, en virtude das atribucións que legalmente ten conferidas na Lei 1/2007, do 15 de xaneiro, da Academia Galega de Seguridade Pública, e en cumprimento do previsto no segundo parágrafo do artigo 151.3 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, resolveu declarar deserto o procedemento aberto publicado no DOG nº 83, do 2 de maio de 2014, para a selección de oferta para a xestión e explotación do servizo de cafetaría e comedor da Academia Galega de Seguridade Pública (Agasp) por non axustarse ningunha das ofertas presentadas aos pregos de licitación.
Contra a resolución pola que se declara deserta a licitación, que non esgota a vía administrativa, cabe interpor, tal como preceptúa o artigo 17.1 da Lei 1/2007, do 15 de xaneiro, da Academia Galega de Seguridade Pública, recurso de alzada, ante o conselleiro da Presidencia, Administracións Públicas e Xustiza, no prazo dun (1) mes contado desde o día seguinte ao da recepción da notificación desta resolución polos interesados, sen prexuízo de que se poida exercer, de ser o caso, calquera outro que se considere procedente.
O que se fai público en cumprimento do disposto no artigo 60 da Lei 30/1992, de réxime xurídico das administracións públicas e do procedemento administrativo común.
A Estrada, 15 de xullo de 2014
Santiago Villanueva Álvarez
Director xeral da Academia Galega de Seguridade Pública