Visto o expediente para outorgamento de autorización administrativa previa e de construción da instalación eléctrica que a seguir se cita:

Número de expediente: IN407A 2014/063-1.

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: recuamento LMT avenida San Cristovo-Lonzás.

Situación: concello da Coruña.

Características técnicas:

– Liña de media tensión illada trenzada provisional, a 15/20 kV, cunha lonxitude de 0,060 km, coa orixe en empalmes proxectados que se van realizar na LMT GRN-734 (expediente 139/2010), no tramo entre a subestación da Grela 2 e o CS Garda Civil, en condutor RHVS-12/20 kV/15 mm², e final en empalmes proxectados a realizar na LMT GRN-734 (expediente 139/2010), no tramo entre a subestación A Grela 2 e o CS Garda Civil.

– Liña de media tensión illada trenzada provisional, a 15/20 kV, cunha lonxitude de 0,060 km, coa orixe en empalmes proxectados que se van realizar na LMT GRN-741 (expediente 139/2010), no tramo entre a subestación da Grela 2 e o CT Joaquín Planells, en condutor RHVS-12/20 kV/15 mm², e final en empalmes proxectados que se van realizar na LMT GRN-734 (expediente 139/2010), no tramo entre a subestación A Grela 2 e o CT Joaquín Planells.

– Tramo de liña de media tensión soterrada GRN-734, a 15/20 kV, cunha lonxitude de 0,117 km, coa orixe en empalmes proxectados que se van realizar na LMT GRN-734 (expediente 139/2010), no tramo entre a subestación da Grela 2 e o CS Garda Civil, en condutor RHZ1-2OL 12/20 kV 3(1×240 mm² Al), e final en empalmes proxectados que se van realizar na LMT GRN-734 (expediente 139/2010), no tramo entre a subestación A Grela 2 e o CS Garda Civil.

– Tramo de liña de media tensión soterrada GRN-741, a 15/20 kV, cunha lonxitude de 0,117 km, coa orixe en empalmes proxectados a realizar na LMT GRN-741 (expediente 139/2010), no tramo entre a subestación da Grela 2 e o CT Joaquín Planells, en condutor RHZ1-2OL 12/20 kV 3(1×240 mm² Al), e final en empalmes proxectados que se van realizar na LMT GRN-741 (expediente 139/2010), no tramo entre a subestación a Grela 2 e o CT Joaquín Planells.

Cumpridos os trámites ordenados na Lei 24/2013, do 26 de decembro (BOE nº 310), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica e de acordo coa Resolución do 19 de febreiro de 2014 da Dirección Xeral de Enerxía e Minas, pola que se aproba o procedemento de autorización administrativa de construción (DOG nº 54) esta xefatura territorial resolve:

Conceder a autorización administrativa previa e a autorización administrativa de construción da dita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

Esta instalación está previsto que se execute nun prazo dun ano, contado a partir da data da última autorización administrativa necesaria.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra esta resolución, que non é definitiva en vía administrativa, cabe interpor recurso de alzada ante o conselleiro de Economía e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 107, 110, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), sen prexuízo de que os interesados poidan interpor calquera outro recurso que se considere pertinente.

A Coruña, 24 de xullo de 2014

P.A.
María Mar Ferreiro Broz
Xefa do Servizo de Administración Industrial