O 9 de xuño de 2014 asinouse entre o Concello de Lugo e a Consellería de Medio Ambiente, Territorio e Infraestruturas da Xunta de Galicia a addenda nº 3 ao convenio de colaboración entre a antiga Consellería de Política Territorial, Obras Públicas e Transportes e este concello para a realización de obras de infraestrutura viaria no termo municipal de Lugo (estrada das Gándaras, Ponte Paradai e avenida Estación-Conde Fontao), no cal se modifican as cláusulas primeira, terceira e sétima deste, que quedan do seguinte teor literal:
«Cláusula primeira. Obxecto
O obxecto do presente convenio é establecer as bases da colaboración técnica e económica entre a Axencia Galega de Infraestruturas e o Concello de Lugo para a realización da actuación Ponte Paradai, r/ Serra de Meira, fase 1ª. Glorieta Ponte Paradai-glorieta Serra de Meira.
Cláusula terceira. Compromisos da Xunta de Galicia
2. Financiar as obras segundo o proxecto, destinando para iso ata un máximo de tres millóns cincocentos cincuenta e sete mil seiscentos setenta euros (3.557.670,00 €) con cargo á partida orzamentaria 07.A1.512B.600.1 dos orzamentos xerais da Comunidade Autónoma, código de proxecto 2013-00007, distribuídos da seguinte forma:
Anualidade Importe (€)
2012 12.934,79
2013 342.832,21
2014 2.453.881,84
2015 748.021,16
Total 3.557.670,00
Cláusula sétima. Vixencia do convenio
A vixencia do convenio estenderase ata o 31 de decembro de 2015».
Conforme o previsto no artigo 237.1 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de vinte días, durante o cal poderá ser examinado no Servizo de Urbanismo deste concello (rolda da Muralla, nº 197), e presentarse as reclamacións ou suxestións que se desexen.
Lugo, 11 de xullo de 2014.
P.D. (Decreto 13008312)
Luis Manuel Álvarez Martínez
Tenente de alcalde delegado da Área de Urbanismo e Medio Ambiente