De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo a proposta de resolución do expediente sancionador S-P-05.14 por infracción da Lei 8/1995, do 30 de outubro, do patrimonio cultural de Galicia.
O interesado disporá dun prazo de quince días hábiles, contados desde o día seguinte ao da publicación deste anuncio, para examinar o expediente nas dependencias do Servizo de Coordinación da Área Cultural da Xefatura Territorial da Consellería de Cultura, Educación e Ordenación Unversitaria en Pontevedra, e para presentar cantas alegacións, documentos ou informacións considere convenientes e, de ser o caso, propoñer proba concretando os medios de que pretenda valerse.
Santiago de Compostela, 22 de xullo de 2014
Mercedes Domínguez Francisco
Xefa do Servizo de Vixilancia e Inspección
ANEXO
Nº de expediente: S-P-05.14.
Interesada: Karpin Vivenda, S.L.
Último enderezo coñecido: rúa Areal, 4, 1º, 36201 Vigo.
Feitos imputados: remocións de terra no edificio situado na rúa Poboadores nº 24, no concello de Vigo, no ámbito de protección do Conxunto Histórico de Vigo.
Tipificación: artigo 91.h) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.