Para os efectos previstos na Lei 24/2013, do 26 de decembro, do sector eléctrico e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Sociedad Electricista de Tui, S.A.

Domicilio social: rúa Coruña, nº 20, baixo, 36700 Tui.

Denominación: reforma CT Rebordáns.

Situación: Tui.

Características técnicas: reforma do centro de transformación Rebordáns, consistente na substitución de celas de obra civil por outras baixo envolvente metálica e illadas en gas SF6 e na substitución do transformador de 100 kVA por un de 400 kVA. A instalación está situada en Funchal, Rebordáns, Tui.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 30 de xuño de 2014

Ignacio Rial Santomé
Xefe territorial de Pontevedra