De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícaselle á persoa que se cita a seguir a incoación ditada pola xefatura da Área Provincial de Turismo de Pontevedra do expediente sancionador en materia de turismo número PO-S-29/2014, por infracción administrativa da Lei 7/2011, do 27 de outubro, do turismo de Galicia, xa que, intentada polos medios habituais, non se puido efectuar.

Concédese un prazo de quince días, de conformidade cos artigos 3.2 e 16.1 do Real decreto 1398/1993, para que os interesados presenten as alegacións, os documentos e a información que consideren conveniente ou, de ser o caso, propoñan probas en que concreten os medios dos cales se pretendan valer. Unha vez expirado o prazo sen formular alegacións, este acordo considerarase proposta de resolución, de acordo co disposto no artigo 13.2 do citado real decreto.

Expediente: PO-S-29/2014.

Titular sancionada: Promociones Turísticas Ire&Car, S.L.

Establecemento: Hotel Dinajan.

Enderezo: praia do Terrón, 19.

Concello: Vilanova de Arousa.

Data da incoación: 8 de maio de 2014.

Feitos imputados: efectuar cambios ou reformas substanciais incumprindo o establecido nos termos fixados no artigo 42 da Lei 7/2011, do turismo de Galicia.

Preceptos infrinxidos: artigo 110.5) da Lei 7/2011, do turismo de Galicia.

Sanción proposta: 3.500 euros, de conformidade co establecido no artigo 114.b) da Lei 7/2011, do turismo de Galicia.

Pontevedra, 15 de xullo de 2014

Mª Ángeles Herrero Pérez
Xefa da Área Provincial de Turismo de Pontevedra