Eu, Juan Rey Pita, secretario do Xulgado do Social número 4 da Coruña, dou fe e certifico que neste xulgado se seguen autos número 181/2012, por instancia de María Begoña Muñiz Nión contra a empresa Arancha Garrapucho, S.L. e o Fondo de Garantía Salarial, sobre cantidade, en que recaeu sentenza con data do 1 de xullo de 2014 que, copiada nos particulares necesarios, di así:

«Resolvo:

Estímase a demanda interposta por María Begoña Muñiz Nión contra Arancha Garrapucho, S.L. con intervención do Fondo de Garantía Salarial e, en consecuencia:

– Condénase a empresa Arancha Garrapucho, S.L. a aboar á demandante a cantidade de sete mil cincocentos sesenta e catro euros con seis céntimos (7.564,06 euros).

Notifíqueselles esta resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social colexiado ou representante, dentro do indicado prazo.

Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña».

E para que conste, para os efectos da súa publicación no Diario Oficial de Galicia, co fin de que lle sirva de notificación en forma á empresa Arancha Garrapucho, S.L., expido e asino este edicto.

A Coruña, 7 de xullo de 2014

O secretario xudicial