Advertidos erros na Resolución do 20 de xuño de 2014, da Dirección Xeral de Mobilidade, pola que se convoca a realización das probas dirixidas á obtención e renovación do certificado de conselleiro de seguridade para o transporte de mercadorías perigosas por estrada e por ferrocarril, publicada no DOG número 131, do venres 11 de xullo de 2014, é necesario facer as seguintes correcións:
1ª. Engadir o anexo II «Convocatoria de probas para a obtención do certificado ce de formación de conselleiros de seguridade para o transporte de mercadorías perigosas».
2ª. Engadir o anexo III «Convocatoria de probas para a renovación do certificado ce de formación de conselleiros de seguridade para o transporte de mercadorías perigosas».
3ª. Engadir o anexo IV «Solicitude de devolución de taxas de dereitos de exame».
4ª. Na páxina 30872 é necesario suprimir os puntos 5 e 8 da base quinta da convocatoria.
A presente corrección de erros modifica o cómputo dos prazos sinalados no 2 da base primeira da convocatoria, páxina 30868. En consecuencia, o prazo de presentación de solicitudes será dun mes contado a partir do día seguinte a aquel en que teña lugar a publicación desta corrección de erros no DOG.
Santiago de Compostela, 11 de xullo de 2014
María del Camino Triguero Salas
Directora xeral de Mobilidade