Anúnciase, de conformidade co disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, que o Concello Pleno, en sesión ordinaria do día 6 de xuño do ano 2014, adoptou, entre outros, o acordo cuxa parte dispositiva di:

«O Pleno do Concello, por vinte e dous votos a favor dos grupos municipais do Partido Popular e PSdeG-PSOE, e cinco abstencións dos grupos municipais do Bloque Nacionalista Galego e Democracia Ourensana, adoptou o seguinte acordo:

1. Aprobar definitivamente o estudo de detalle de reaxuste de aliñacións e rasantes na rúa da Asunción, por pedimento de Bautista Rodríguez Díaz en representación da Xunta de Compensación da zona 4 do SU-25, segundo o documento refundido presentado no concello o 27 de maio de 2014, rexistro de entrada número 2014027065, no cal se varía o plano nº 2, nos termos que figura en certificación do enxeñeiro de camiños, canles e portos, Manuel Durán Fuentes, do mesmo día, en relación co documento aprobado inicialmente o 27 de xaneiro de 2014 pola Xunta de Goberno Local dilixenciado pola Secretaría de dito órgano.

2. Comunicar este acordo á Secretaría Xeral de Ordenación do Territorio e Urbanismo da Consellería de Medio Ambiente, Territorio e Infraestruturas da Xunta de Galicia xunto con copia autenticada de dous exemplares do documento aprobado definitivamente con todos os planos e documentos que o integran, debidamente dilixenciados.

3. Notificalles este acordo aos interesados e publicalo no Diario Oficial de Galicia con mención expresa do previsto no artigo 92.3 da Lei 9/2002 e do réxime de recursos».

Contra esta resolución, que é definitiva na vía administrativa, poderase interpoñer recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da publicación deste anuncio. Non obstante, poderase interpoñer calquera outro recurso que se considere oportuno.

Todo isto conforme o disposto nos artigos 52 da Lei reguladora das bases do réxime local; 194 e concordantes do Regulamento de organización, funcionamento e réxime xurídico das entidades locais; 58 da Lei de réxime xurídico das administracións públicas e do procedemento administrativo común; 10 e 46 da Lei da xurisdición contencioso-administrativa, e demais de aplicación.

Con data do 18 de xuño de 2014 recibiu o expediente a Consellería de Medio Ambiente, Territorio e Infraestruturas.

Ourense, 18 de xuño de 2014

Agustín Fernández Gallego
Alcalde presidente