O Pleno municipal, en sesión que tivo lugar o día 5 de maio de 2014, adoptou, entre outros, o seguinte acordo:
«Primeiro. Aprobar definitivamente o estudo de detalle para a ordenación de volumes e condicións da edificación que permitan a ampliación do equipamento deportivo existente nunha parcela dotacional pública no polígono de Matogrande, promovido por EMVSA, Empresa Municipal de Vivenda, Servizos e Actividades, S.A.
Segundo. Ordenar o dilixenciamento do estudo de detalle aprobado, así como continuar co cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección do medio rural de Galicia, para procurar a entrada en vigor do estudo de detalle.
Terceiro. Notificarlles o acordo de aprobación definitiva aos titulares catastrais, interesados no expediente, aos departamentos municipais de Licenzas e Disciplina Urbanística, Xestión do Solo, Sección de Patrimonio Urbanístico, Oficina de Delineación-SIX de Planeamento e á Área de Infraestruturas».
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 30 de maio de 2014.
Contra este acordo, que pon fin á vía administrativa, cabe interpoñer recurso contencioso-administrativo, ante a sala correspondente do Tribunal Superior de Xustiza de Galicia, no plazo de dous meses que se contarán a partir do día seguinte ao da publicación deste anuncio, de conformidade cos artigos 10 e 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de calquera outro que se considere pertinente.
A Coruña, 30 de maio de 2014
César de Jesús Otero Grille
Director de Urbanismo