Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:

Solicitante: Ana María González González.

Domicilio social: lg. da Estrada, nº 66, Vilatuxe, 36519 Lalín.

Denominación: LMT de acometida a un CT para unha granxa en Castiñeira.

Situación: Lalín.

Características: LMT aérea a 20 kV con condutor LA-56 de 17 metros de lonxitude, con orixe nun apoio existente da LMT LAL805-Vilatuxe, de Unión Fenosa Distribución, S.A. e final no apoio proxectado paso aerosubterráneo, do cal continúa subterránea con condutor RHZ1 1.490 metros ata o centro de transformación da granxa situada na Castiñeira, Lebozán, Lalín.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial, resolve:

Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpor calquera outro recurso que considere pertinente ao seu dereito.

Pontevedra, 12 de xuño de 2014

Ignacio Rial Santomé
Xefe territorial de Pontevedra