A Escola Galega de Administración Pública convocou, mediante Resolución do 20 de febreiro de 2014 (DOG núm. 57, do 24 de marzo), unha bolsa de xestión documental en contornas dixitais.
A Comisión de Valoración para a adxudicación desta bolsa, na súa reunión do 12 de xuño de 2014, baremou definitivamente todas as solicitudes e propuxo a adxudicación en favor da candidata que obtivo a maior puntuación.
De conformidade coas competencias que me recoñece a normativa vixente e á vista da proposta da Comisión de Valoración,
RESOLVO:
Primeiro. Outorgarlle a dita bolsa á candidata Marta Carrera Ferreiro, que acadou a maior puntuación: 22,78 puntos.
Segundo. Que se lle notifique esta resolución á candidata para que no prazo de dez días, contados a partir da recepción da notificación, comunique á Escola Galega de Administración Pública a súa aceptación ou a súa renuncia á bolsa. Unha vez transcorrido este prazo sen que se produza manifestación expresa por parte da beneficiaria, entenderase tacitamente aceptada, segundo o establecido no artigo 21.5 da Lei 9/2007, do 13 de xuño, de subvencións de Galicia. No prazo de cinco días contados desde a aceptación expresa da bolsa ou do transcurso do prazo para entendela tacitamente aceptada, a candidata seleccionada deberá incorporarse para o desempeño da bolsa na EGAP. No caso de que a beneficiaria non se incorpore neste prazo, ou que renuncie expresamente, perderá os dereitos inherentes á bolsa (base décima).
Contra esta resolución poderá interporse, con carácter potestativo, recurso de reposición perante a Dirección da EGAP, no prazo dun mes contado desde o día seguinte ao da publicación da resolución, nos termos dos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou directamente, recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da publicación da resolución, de conformidade co establecido no artigo 46.4 da Lei 29/1998, reguladora da xurisdición contencioso-administrativa (base novena).
Santiago de Compostela, 16 de xuño de 2014
Sonia Rodríguez-Campos González
Directora da Escola Galega de Administración Pública