Por Acordo do Pleno do Concello de Melide, na súa sesión do 16 de maio de 2014, aprobouse definitivamente o Plan de sectorización do sector do solo apto para urbanizar nº 2 na rúa Martagona (Melide), contido no documento para a aprobación definitiva do Plan de sectorización do sector do solo apto para urbanizar nº 2 na rúa Martagona (Melide). Promotores: señores Cardelle, Pichel, López Nuevo, Frade e Pintor. Autores: Mario Iglesias Rodríguez, COAG 2769; Cristina Aguado Gómez, COL. 3909; Rubén Cobas Fernández, COL.723. Agosto 2012.

O que se fai público de conformidade co establecido no artigo 92.2 da Lei 9/2002, de ordenación urbanística e protección do medio rural de Galicia.

Así mesmo, faise constar que o dito acordo aprobatorio, así como dous exemplares deste plan de sectorización, se remitiron con data do 3 de xuño de 2014, á Consellería de Medio Ambiente, Territorio e Infraestruturas, para os efectos previstos no punto 3 do artigo 92 citado.

Contra este acordo non se poderá recorrer en vía administrativa, senón tan só a través do correspondente recurso contencioso-administrativo, de conformidade cos artigos 107.3 da Lei 30/1992, de réxime xurídico das administracións públicas e do procedemento administrativo común, e 85.11 da Lei 9/2002, de ordenación urbanística e protección do medio rural de Galicia.

O prazo para interpoñer o recurso contencioso-administrativo é de dous meses contados desde o día seguinte ao da última publicación deste anuncio, e deberá presentalo, perante o Xulgado do Contencioso-Administrativo da Coruña ou a Sala do Contencioso-Administrativo do Tribunal Superior de Xustiza de Galicia, segundo a distribución competencial establecida nos artigos 8 e 10 da Lei 29/1998, do 13 de xullo, reguladora da xurisdición contencioso-administrativa.

Melide, 4 de xuño de 2014

Mª Ángeles Vázquez Mejuto
Alcaldesa