En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servizo desta dirección xeral se presentou certificación da acta da asemblea xeral extraordinaria, onde se reflicte o acordo acadado o 9 de maio de 2014 e que consiste na modificación dos estatutos da dita asociación.
– Denominación: Asociación Galega de Carpintería de Ribeira (Algacari).
– Ámbito territorial: Comunidade Autónoma de Galicia.
– Ambito profesional: empresarios/as que desenvolvan a súa actividade no ámbito territorial da dita asociación e que reúnan as condicións do artigo 2 dos seus estatutos.
– Asinantes: José Abeijón Mayo e J. Gerardo Triñanes Fernández.
Santiago de Compostela, 28 de maio de 2014
Odilo Martiñá Rodríguez
Director xeral de Traballo e Economía Social