Mediante Orde do 14 de marzo de 2014, da Consellería de Facenda, foi autorizado o alleamento mediante poxa duns inmobles situados na rúa Montero Ríos do concello de Lugo.
Logo de publicarse o 3 de abril de 2014 no Diario Oficial de Galicia, número 65, e no diario El Progreso o anuncio da Secretaría Xeral Técnica e do Patrimonio de alleamento dos citados inmobles, tivo lugar, o 6 de maio de 2014, a poxa pública anunciada, polo que, á vista das actas da mesa de contratación, de conformidade co disposto no artigo 70 do Decreto 50/1989, polo que se aproba o Regulamento para a execución da Lei do patrimonio da Comunidade Autónoma galega, e tras a proposta da Secretaría Xeral Técnica e do Patrimonio,
DISPOÑO:
Primeiro. Aprobar a adxudicación á entidade Caixa Rural Galega, polo prezo de 285.429,91 euros, do lote único composto polos seguintes inmobles:
1. Planta segunda ou piso segundo, da casa sinalada co número 24-26 da avenida Montero Ríos de Lugo. A superficie construída é de 276 m2. Linda, visto o edificio desde a avenida antes dita con: dereita, entrando ou oeste, con predio de Ricardo Besteiro; esquerda, entrando ou leste, con garaxe chamado Torralba, propiedade de José Mon; fondo ou sur, espazo aéreo sobre a terraza pertencente como anexo ao primeiro andar; fronte ou norte, coa avenida Montero Ríos e tamén co local da antiga Cámara Agraria Local, hoxe da Comunidade Autónoma. Inscrita no Rexistro da Propiedade número 1 de Lugo no tomo 1.020, libro 581, folio 33, predio 54.716. Referencia catastral: 8234011PH1683S0002AR.
2. Planta terceira ou piso terceiro da casa sinalada co número 24-26 da avenida Montero Ríos de Lugo. A superficie construída é de 324 m2. Linda, visto o edificio desde a avenida antes dita con: dereita, entrada ou oeste, con predio de Ricardo Besteiro, esquerda, entrando ou leste, con garaxe chamado Torralba, propiedade de José Mon; fondo ou sur, espazo aéreo sobre a terraza pertencente como anexo ao primeiro andar; fronte ou norte, coa avenida Montero Ríos. Inscrita no Rexistro da Propiedade número 1 de Lugo no tomo 1.020, libro 581, folio 34, predio 54.718. Referencia catastral: 8234011PH1683S0004DY.
3. Dereito de servidume en favor das plantas segunda e terceira do inmoble número 24-26 da avenida Montero Ríos, de catro aparcadoiros debidamente individualizados no soto. Inscrito no Rexistro da Propiedade número 1 de Lugo, predio nº 54.714.
4. Local destinado a oficinas na segunda planta situado no extremo esquerdo, mirando desde a rúa da súa situación de Montero Ríos, dunha superficie de 48 m2 e que linda: pola súa fronte, con Montero Ríos; por fondo e dereita, co resto da planta segunda (hoxe Comunidade Autónoma de Galicia), patio de luces e servizos sanitarios e pola súa esquerda co garaxe chamado Torralba, propiedade de José Mon. Inscrito no Rexistro da Propiedade número 1 de Lugo no tomo 1.747, libro 1.308, folio 98, predio 114.890. Referencia catastral: 8234011PH1683S0003ST.
Segundo. O pagamento do prezo de adxudicación efectuarase segundo o estipulado no artigo 70.3º do Decreto 50/1989, do 9 de marzo, polo que se aproba o Regulamento para a execución da Lei de patrimonio.
Terceiro. A venda formalizarase como corpo certo en escritura pública, e serán por conta do adquirente os custos do seu outorgamento. Os tributos derivados da transmisión serán exixidos conforme o disposto na lexislación tributaria. Así mesmo, queda a cargo do adxudicatario o pagamento dos custos dos anuncios que se producisen neste procedemento de alleamento.
Cuarto. Contra esta resolución, que pon fin á vía administrativa, poderase interpor recurso potestativo de reposición ante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses.
Santiago de Compostela, 15 de maio de 2014
P.D. (Orde do 9.1.2012; DOG nº 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio