Logo da tramitación do procedemento no cal se outorga audiencia ao concesionario, ao non constar a formulación de oposición, e tras a emisión de proposta polo instrutor designado para o efecto, con data do 25 de abril do 2013, o presidente de Portos de Galicia, de acordo coas competencias conferidas polo artigo cuarto da Orde do 30 de marzo do 2012, da Consellería do Medio Rural e do Mar, resolve declarar a caducidade da concesión administrativa de referencia, o que determina a extinción anticipada da concesión, e a reversión e recuperación pola Administración das superficies ocupadas e das instalacións que se indican na resolución, excluída a parte dedicada a vivenda que se sitúa fora da zona de servizo do porto, así como a incautación da totalidade das garantías que,de ser o caso, se constituísen para responder da explotación, e/ou construción da concesión.
Intentada a notificación da resolución no domicilio que consta no expediente, sito no porto, s/n, 15.939, de Cabo de Cruz, Boiro, provincia da Coruña, a través do servizo de Correos, e ao non ser posible a súa práctica, de conformidade co disposto no artigo 59.4º da citada Lei 30/1992, notifícase, mediante a publicación no Diario Oficial de Galicia e exposición no taboleiro de edictos do Concello de Boiro, á mercantil Hermanos Places, S.A., esta resolución que decreta a caducidade da concesión administrativa de referencia.
A concesión administrativa caduca polo incumprimento das condicións xerais 12ª e 17ª da concesión, a causa da inexistencia de actividade na concesión e de deber a totalidade das taxas emitidas desde o ano 2005, o que constitúe causa imperativa de caducidade por aplicación do establecido na condición xeral 18ª do título.
Para o seu exame, o expediente completo atopase nas dependencias dos servizos centrais de Portos de Galicia en Área Central; praza de Europa, 5-A, 6º, 15707 Santiago de Compostela.
Esta resolución esgota a vía administrativa e contra ela poderase interpor recurso contencioso-administrativo nun prazo de dous meses contados desde o día seguinte ao da súa recepción perante o xulgado do contencioso-administrativo de Santiago de Compostela que corresponda, ou recurso potestativo de reposición perante a Presidencia de Portos de Galicia, no prazo dun mes contado desde a mesma data.
Para que conste e sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula.
Santiago de Compostela, 16 de maio de 2014
José Juan Durán Hermida
Presidente de Portos de Galicia