O artigo 11 da Lei 4/2006, do 30 de xuño, de transparencia e de boas prácticas na Administración pública galega (Diario Oficial de Galicia número 136, do 14 de xullo), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Consellería de Economía e Industria nos meses de xaneiro, febreiro, marzo e abril do ano 2014, que se incorpora como anexo a esta resolución.
Santiago de Compostela, 14 de maio de 2014
Borja Verea Fraiz
Secretario xeral técnico da Consellería de Economía e Industria
ANEXO
Convenios de colaboración subscritos pola Consellería de Economía e Industria
nos meses de xaneiro, febreiro, marzo e abril do ano 2014
|
Convenio |
Data de sinatura |
Importe |
|
Acordo de cooperación interadministrativa entre a Consellería de Economía e Industria e a Consellería de Traballo e Benestar para a posta en marcha na Comunidade Autónoma de Galicia de medidas de apoio específico ao sector naval |
16.1.2014 |
32.100,00 € |
|
Protocolo de colaboración entre a Consellería de Economía e Industria da Xunta de Galicia, a Asociación Española do Gas (Sedigas), a Federación Rexional de Asociacións de empresas instaladoras de fontanaría, gas, calefacción, climatización e afíns de Galicia (Fegafon), Gas Galicia SDG, S.A. e Repsol Butano, S.A., para o desenvolvemento de accións de sensibilización e promoción da seguridade industrial nas instalacións de gas de uso doméstico durante os anos 2014, 2015 e 2016 |
12.2.2014 |
0,00 € |